TENA þvaglekavörur

Ráðgjöf og þjónusta við heilbrigðisstofnanir og skjólstæðinga Sjúkratrygginga Íslands um TENA þvaglekavörur.

Sjúkratryggingar Íslands (SÍ) eru með samning við Rekstrarvörur (RV) um að skírteinishafar sem eiga rétt á hjálpargögnum snúi sér beint til RV til þess að fá afgreiddar bleiur og tengd hjálpargögn, með greiðsluþátttöku SÍ.

Skjólstæðingum SÍ er boðið uppá heimsendingarþjónustu 1x í mánuði að kostnaðarlausu.

Þeir sem ekki eru komnir með skírteini frá SÍ geta keypt TENA þvaglekavörur á eftirtöldum stöðum:

Rekstrarvörur vefverslun rv.is

Verslun RV, Réttarhálsi 2, 110 Reykjavík

Þeir sem eiga rétt á skírteini frá SÍ þurfa að sækja um það í samráði við lækni. Skírteinið tryggir skjólstæðingum 100 % greiðsluþátttöku í samningsvörum SÍ.

Sjá  nánar: sjukra.is

Þegar skírteinið er komið geta skjólstæðingar SÍ og aðstandendur þeirra komið til RV, fengið faglega og persónulega aðstoð ásamt ráðleggingum um TENA þvaglekavörur. 

Hjúkrunarfræðingur, sjúkraliði og aðrir sérhæfðir starfsmenn í þjónustuveri RV, með margra áratuga reynslu í ráðgjöf og umönnun, sjá um fræðslu og aðstoð við einstaklinga um val á réttum þvaglekavörum.

Ásdís Ósk Heimisdóttir hjúkrunarfræðingur RV og Marsibil Sigurðardóttir sjúkraliði RV, leiðbeina skjólstæðingum Sjúkratrygginga Íslands og aðstandendum þeirra ásamt því að veita ráðgjöf varðandi hjúkrunarvörur.

Í verslun RV er viðtalsherbergi þar sem hægt er að ræða þarfir hvers og eins í ró og næði. Einnig geta skjólstæðingar SÍ fengið sýnishorn af hjálpargögnum, upplýsingabæklinga og fleira.

Sérhæft sölufólk RV tekur einnig á móti pöntunum og afgreiðir sýnishorn alla virka daga frá kl. 8 - 16.

Nánari upplýsingar í síma 520 6666  eða með því að senda tölvupóst til hjukrun@rv.is 

Einstaklingar með þvagleka og aðstandendur þeirra geta  einnig óskað eftir því að fá sýnishorn send í pósti. 

Húsnæði RV að Réttarhálsi 2, 110 Reykjavík er aðgengilegt fyrir fatlaða.